Madridning “Atletiko” klubi yozgi transfer oynasida sloveniyalik darvozabon Yan Oblak bilan xayrlashishi mumkin.
Futbolchiga Saudiya Arabistoni chempionatidan jozibali takliflar bor. Insayder Fabrisio Romanoning so‘zlariga ko‘ra, "matraschilar" allaqachon Oblak o‘rnini bosadigan darvozabonni topishgan.
Gap gruziyalik darvozabon Giorgi Mamardashvili haqida ketmoqda, u hozirda Ispaniyaning boshqa bir klubi – “Valensiya”da to‘p tepmoqda.
Futbolchining transfer qiymati 35 million yevroga baholanmoqda. Uning "ko‘rshapalaklar" bilan shartnomasi 2027 yilgacha mo‘ljallangan.
