Turinning "Yuventus" klubi yozgi transfer oynasida "Atalanta" yarim himoyachisi Tyon Kopmeynersi qo‘lga kiritishni istamoqda. Jurnalist Mirko di Natale bergan ma’lumotlarga ko‘ra, Bergamo klubi futbolchini 60 million yevrodan ko‘proq baholamoqda.
Qayd etilishicha, “Yuventus” sport direktori Krishtianu Jiuntoli ayni damda narxlarni pasaytirish yo‘lini qidirmoqda. “Keksa sinyora” yarim himoyachini arzonroq narxda qo‘lga kiritish uchun, ehtimol, o‘z futbolchilaridan birini shartnomaga qo‘shishi kerak bo‘ladi.
26 yoshli Kopmeyners joriy Italiya chempionatida 12 ta gol urdi va 5 ta golli uzatmani amalga oshirdi.
