Xans-Diter Flik "Bayer" futbolchisini "Barselona"da ko‘rishni xohlaydi.

Nemis mutaxassisi "Blaugrana"ga bosh murabbiy etib tayinlanishi tez orada e’lon qilinishi kerak - u yaqinda ishdan bo‘shatilgan Xavi Ernandesning o‘rnini egallaydi. Bar Canatales xabariga ko‘ra, sport direktori Deku bilan muzokaralar chog‘ida "Barselona"ning bo‘lajak murabbiyi "Bayer" yarim himoyachisi Esekyel Palasiosni o‘z safiga qo‘shib olmoqchi ekanligini aytgan.

Transfermarkt portali 25 yoshli argentinalik futbolchining narxini 40 million yevroga baholagan. Joriy mavsumda yarim himoyachi “dorichilar” safida 36 ta o‘yin o‘tkazib, 6 ta gol va 5 ta golli uzatmaga mualliflik qilgan.