Ханс-Дитер Флик "Байер" футболчисини "Барселона"да кўришни хоҳлайди.
Немис мутахассиси "Блауграна"га бош мураббий этиб тайинланиши тез орада эълон қилиниши керак - у яқинда ишдан бўшатилган Хави Эрнандеснинг ўрнини эгаллайди. Bar Canatales хабарига кўра, спорт директори Деку билан музокаралар чоғида "Барселона"нинг бўлажак мураббийи "Байер" ярим ҳимоячиси Эсекьел Паласиосни ўз сафига қўшиб олмоқчи эканлигини айтган.
Transfermarkt портали 25 ёшли аргентиналик футболчининг нархини 40 миллион еврога баҳолаган. Жорий мавсумда ярим ҳимоячи “доричилар” сафида 36 та ўйин ўтказиб, 6 та гол ва 5 та голли узатмага муаллифлик қилган.
