"Manchester Yunayted"ning hujumkor yarim himoyachisi va sardori Brunu Fernandesh mavsumning so‘nggi o‘yini Angliya kubogi finali oldidan klub muxlislariga murojaat qildi.
"Bu mavsum siz uchun oson bo‘lmaganini bilaman. Biz sizga mos keladigan standartlarga javob bermadik. Bizga ko‘rsatgan qo‘llab-quvvatlashingizga doim ham munosib bo‘lganimiz yo‘q. Sardor sifatida men buni hammadan ko‘ra ko‘proq his qilaman va bu men uchun javobgarlik", - deydi Fernandesh.
APLda 2023/2024 yilgi mavsum yakuniga ko‘ra, "Manchester Yunayted" 38 uchrashuvda 60 ochko jamg‘arib, sakkizinchi o‘rinni egalladi. 25 may kuni “qizil iblislar” mamlakat kubogi finalida Angliya chempioni “Manchester Siti”ga qarshi maydonga tushadi.
