"Манчестер Юнайтед"нинг ҳужумкор ярим ҳимоячиси ва сардори Бруну Фернандеш мавсумнинг сўнгги ўйини Англия кубоги финали олдидан клуб мухлисларига мурожаат қилди.
"Бу мавсум сиз учун осон бўлмаганини биламан. Биз сизга мос келадиган стандартларга жавоб бермадик. Бизга кўрсатган қўллаб-қувватлашингизга доим ҳам муносиб бўлганимиз йўқ. Сардор сифатида мен буни ҳаммадан кўра кўпроқ ҳис қиламан ва бу мен учун жавобгарлик", - дейди Фернандеш.
АПЛда 2023/2024 йилги мавсум якунига кўра, "Манчестер Юнайтед" 38 учрашувда 60 очко жамғариб, саккизинчи ўринни эгаллади. 25 май куни “қизил иблислар” мамлакат кубоги финалида Англия чемпиони “Манчестер Сити”га қарши майдонга тушади.