"Manchester Siti"ning birinchi raqamli futbolchisi Ederson Morayes yozgi transfer oynasida klubini o‘zgartirishi mumkin.
Bu haqda CaughtOffside jurnalistlari xabar bermoqda. Manbaga ko‘ra, braziliyalik darvozabonga Saudiya Arabistoni chempionatining ikki vakili qiziqish bildirmoqda.
Gap “An-Nasr” va “Al-Ittihod” haqida bormoqda. Ingliz klubi o‘z navbatida, agar darvozabon uchun taxminan 50 million yevro taklif qilinsa, uni qo‘yib yuborishi mumkin.
Ederson "Siti"da 2017 yilning yozidan buyon o‘ynamoqda.
Tomonlar o‘rtasidagi mehnat shartnomasi muddati 2026 yilda tugaydi. Transfermarkt darvozabonning bozor narxini 40 million yevroga baholamoqda.
