"Манчестер Сити"нинг биринчи рақамли футболчиси Эдерсон Морайес ёзги трансфер ойнасида клубини ўзгартириши мумкин.
Бу ҳақда CaughtOffside журналистлари хабар бермоқда. Манбага кўра, бразилиялик дарвозабонга Саудия Арабистони чемпионатининг икки вакили қизиқиш билдирмоқда.
Гап “Ан-Наср” ва “Ал-Иттиҳод” ҳақида бормоқда. Инглиз клуби ўз навбатида, агар дарвозабон учун тахминан 50 миллион евро таклиф қилинса, уни қўйиб юбориши мумкин.
Эдерсон "Сити"да 2017 йилнинг ёзидан буён ўйнамоқда.
Томонлар ўртасидаги меҳнат шартномаси муддати 2026 йилда тугайди. Transfermarkt дарвозабоннинг бозор нархини 40 миллион еврога баҳоламоқда.