A Seriyaning eng yaxshi to‘purariga aylangan "Inter" hujumchisi Lautaro Martines faoliyatini Angliya Premyer-ligasida davom ettirish imkoniyatiga ega.
Todofichajes jurnalistlarining yozishicha, Londonning "Arsenal" klubi argentinalik to‘purarni o‘z safiga qo‘shib olmoqchi.
"Kanonirlar" rahbariyati jahon chempionini qo‘lga kiritish uchun taxminan 90 million yevro ajratishga tayyor. Londonliklar bu summa bitimni yakunlash uchun yetarli bo‘lishiga ishonmoqda.
Italiya chempionatining o‘tgan mavsumida 26 yoshli forvard 33ta o‘yin o‘tkazib, 24ta gol kiritgan.
