Krishtianu Ronaldu joriy mavsumda “An-Nasr” safida 50 ta gol urdi. Portugaliyalik nafaqat yakunlangan Saudiya Arabistoni chempionatining eng yaxshi to‘purari bo‘ldi, balki liga rekordini ham o‘rnatdi. Bungacha hech kim bitta mavsumda 35 ta gol urmagandi.
Qolaversa, so‘nggi turda "Al-Ittihod"ga qarshi o‘yinda (4:2) dubl evaziga 39 yoshli forvard klub miqyosidagi barcha turnirlarda bir mavsumda 50 ta gol urishga erishdi.
Ronaldu bu ko‘rsatkichga o‘z faoliyatida yettinchi marta va so‘nggi sakkiz yil ichida birinchi marta erishdi. Krishtianu “An-Nasr” safida 50 ta o‘yinda 50 ta gol urgan. Umuman olganda, hujumchi Saudiya jamoasi safida 69 ta o‘yinda 64 ta gol urdi.
