Криштиану Роналду жорий мавсумда “Ан-Наср” сафида 50 та гол урди. Португалиялик нафақат якунланган Саудия Арабистони чемпионатининг энг яхши тўпурари бўлди, балки лига рекордини ҳам ўрнатди. Бунгача ҳеч ким битта мавсумда 35 та гол урмаганди.
Қолаверса, сўнгги турда "Ал-Иттиҳод"га қарши ўйинда (4:2) дубл эвазига 39 ёшли форвард клуб миқёсидаги барча турнирларда бир мавсумда 50 та гол уришга эришди.
Роналду бу кўрсаткичга ўз фаолиятида еттинчи марта ва сўнгги саккиз йил ичида биринчи марта эришди. Криштиану “Ан-Наср” сафида 50 та ўйинда 50 та гол урган. Умуман олганда, ҳужумчи Саудия жамоаси сафида 69 та ўйинда 64 та гол урди.
