"Bayer" "Jirona" yarim himoyachisi transferini tezroq yakunlamoqchi. Gap Xabi Alonso jamoasiga o‘tishga qiziqayotgan Aleish Garsiya haqida ketmoqda. Futbolchi Germaniyada faoliyatidagi yangi bosqichni boshlashga tayyor.
Jurnalist Fabrisio Romanoning xabariga ko‘ra, "dorishunoslar" bosh murabbiyi Xabi Alonso allaqachon Garsiya bilan gaplashib, futbolchini transferga ko‘ndirgan. Ayni damda "Bayer" va "Jirona" o‘rtasidagi muzokaralar davom etmoqda.
Garsiya avvalroq “Manchester Siti”da o‘ynagan. 26 yoshli futbolchining xizmatlariga “Barselona” ham qiziqish bildirgandi.
