Kataloniyaning "Barselona" klubi yozgi transfer oynasida markaziy himoyachilaridan biri bilan xayrlashishi mumkin. Mundo Deportivo xabariga ko‘ra, "ko‘k-anorranglilar" rahbariyati fransiyalik futbolchining o‘yinidan unchalik hayratda emas, shuning uchun futbolchi yaqin oylarda sotilishi mumkin.
Qayd etilishicha, Kundega Angliya Premyer-ligasi jamoalari qiziqish bildirmoqda, biroq aniq klublar nomi hozircha elon qilinmagan. 2022 yilning yozida Jyul Londonning "Chelsi"siga o‘tishi mumkin edi, ammo yakunda "Barselona" futbolchi uchun kurashda g‘alaba qozondi.
Ispaniya chempionatining so‘nggi mavsumida Kunde bitta gol va ikkita golli uzatmani amalga oshirdi.
