“Palmeyras” hujumchisi Endrik Yevropaga ketish oldidan so‘nggi uchrashuvini o‘tkazdi.
Vunderkind Libertadores kubogi doirasidagi “San-Lorenso”ga qarshi o‘yinda golsiz durang bilan yakunlangan uchrashuvda 70-daqiqagacha harakat qildi. Endrik uchun bu "Real"ga o‘tish oldidan tarbiya topgan klubi uchun xayrlashuv o‘yini - hujumchi 18 yoshini nishonlashi bilan iyul oyida Madrid grandi safiga qo‘shiladi.
Umumiy hisobda Endrik “Palmeyras” safida 82 ta o‘yinda maydonga tushib, 21 ta gol va 4 ta golli uzatmaga mualliflik qilgan. 17 yoshida futbolchi ikki karra Braziliya chempioni, ikki karra Paulista ligasi g‘olibi va Braziliya Superkubogi g‘olibiga aylandi.
