“Палмейрас” ҳужумчиси Эндрик Европага кетиш олдидан сўнгги учрашувини ўтказди.

Вундеркинд Либертадорес кубоги доирасидаги “Сан-Лоренцо”га қарши ўйинда голсиз дуранг билан якунланган учрашувда 70-дақиқагача ҳаракат қилди. Эндрик учун бу "Реал"га ўтиш олдидан тарбия топган клуби учун хайрлашув ўйини - ҳужумчи 18 ёшини нишонлаши билан июль ойида Мадрид гранди сафига қўшилади.

Умумий ҳисобда Эндрик “Палмейрас” сафида 82 та ўйинда майдонга тушиб, 21 та гол ва 4 та голли узатмага муаллифлик қилган. 17 ёшида футболчи икки карра Бразилия чемпиони, икки карра Паулиста лигаси ғолиби ва Бразилия Суперкубоги ғолибига айланди.