Tobora qizg‘in pallaga kirib borayotgan Superliganing 10-tur bahsida Vitaliy Levchenko boshchiligidagi "Neftchi" Toshkentda "Bunyodkor" klubi bilan kuch sinashadi. Bu bellashuv juda jiddiy va murosasiz kurash ostida o‘tishi kutilmoqda. Chunki, peshqadamlar safida borayotgan "Neftchi" uchun ham, turnir jadvalining quyi pog‘onalarida borayotgan "Bunyodkor" uchun ham g‘alaba va ochkolar juda zarur.
O‘zaro o‘yinlar statistikasiga kelsak, 2005 yilda tashkil topgan "Bunyodkor" futbol klubi bilan O‘zbekiston chempionati doirasida farg‘onaliklar 28 marta to‘qnash kelgan. Bulardan 6 ta o‘yinda "Neftchi" g‘alaba qozongan, 18 ta uchrashuvda "Bunyodkor" ustun kelgan, 4 ta bellashuvda esa jamoalar murosa ko‘chasini tanlagan. To‘plar nisbati 18-42 toshkentliklar foydasiga.
Jamoalarning Toshkentda bo‘lib o‘tgan oxirgi 5 uchrashuv natijalari quyidagicha
28.10.2023.
"Bunyodkor"-"Neftchi" 2:1 08.09.2022.
"Bunyodkor"-"Neftchi" 1:2
12.07.2018.
"Bunyodkor"-"Neftchi" 2:1
15.09.2017.
"Bunyodkor"-"Neftchi" 2:0
15.03.2016.
"Bunyodkor"-"Neftchi" 2:0
