Тобора қизғин паллага кириб бораётган Суперлиганинг 10-тур баҳсида Виталий Левченко бошчилигидаги "Нефтчи" Тошкентда "Бунёдкор" клуби билан куч синашади. Бу беллашув жуда жиддий ва муросасиз кураш остида ўтиши кутилмоқда. Чунки, пешқадамлар сафида бораётган "Нефтчи" учун ҳам, турнир жадвалининг қуйи поғоналарида бораётган "Бунёдкор" учун ҳам ғалаба ва очколар жуда зарур.

Ўзаро ўйинлар статистикасига келсак, 2005 йилда ташкил топган "Бунёдкор" футбол клуби билан Ўзбекистон чемпионати доирасида фарғоналиклар 28 марта тўқнаш келган. Булардан 6 та ўйинда "Нефтчи" ғалаба қозонган, 18 та учрашувда "Бунёдкор" устун келган, 4 та беллашувда эса жамоалар муроса кўчасини танлаган. Тўплар нисбати 18-42 тошкентликлар фойдасига.

Жамоаларнинг Тошкентда бўлиб ўтган охирги 5 учрашув натижалари қуйидагича

28.10.2023.
"Бунёдкор"-"Нефтчи" 2:1 08.09.2022.
"Бунёдкор"-"Нефтчи"  1:2
12.07.2018.
"Бунёдкор"-"Нефтчи"  2:1
15.09.2017.
"Бунёдкор"-"Нефтчи"  2:0
15.03.2016.
"Бунёдкор"-"Нефтчи"  2:0