Futbolda tig‘iz taqvim masalasi ko‘proq ko‘tarilmoqda.
2025-yilda ilk bor bo‘lib o‘tishi kerak bo‘lgan 32 jamoa ishtirokidagi klublar o‘rtasidagi jahon chempionati vaziyatni yanada kuchaytirdi.
The Sun nashrining yozishicha, Angliya FIFAning milliy ligalarni 18 ta jamoaga qisqartirish rejasidan xavotirda.
Aytilishicha, FIFA ishchi guruh tuzgan va 20 yoki undan ortiq jamoadan iborat ligalarni 18 ta jamoaga qisqartirish maqsadga muvofiq, degan xulosaga kelgan.
"Biz FIFAning yakuniy maqsadi ligalarni 18 ta jamoaga qisqartirishga majburlash deb o‘ylaymiz", dedi manbalardan biri.
Agar biz Yevropaning eng kuchli 5 ligasini oladigan bo‘lsak, Premyer-liga, La Liga va A Seriyada 20 ta jamoa o‘ynaydi.
