Madridning “Real” klubi bosh murabbiyi Karlo Anchelotti Yevropa Chempionlar Ligasi finalidagi g‘alabadan so‘ng o‘z fikrlarini bildirib o‘tdi. “Uembli”da kechgan hal qiluvchi bahsda ispanlar Dortmundning “Borussiya” jamoasini 2:0 hisobida mag‘lub etishdi. Gollarga himoyachi Karvaxal va hujumchi Vinisius mualliflik qilishdi.
“Bu ajoyib narsa - o‘n yil ichida oltita Chempionlar Ligasi kubogi. Va bu oson emasligini ko‘rdingiz. Raqiblarimiz bugun juda yaxshi o‘ynashdi, ular birinchi bo‘limda bizdan yaxshiroq edi. Bunday paytlarda siz xotirjam bo‘lishingiz kerak. Biz aql bovar qilmaydigan natijaga erishdik va chempionlik taxtiga o‘tirishga loyiq edik", - dedi italiyalik mutaxassis.
Eslatib o‘tamiz, “Real” 15-marta Chempionlar ligasida g‘olib chiqdi.
