Мадриднинг “Реал” клуби бош мураббийи Карло Анчелотти Европа Чемпионлар Лигаси финалидаги ғалабадан сўнг ўз фикрларини билдириб ўтди. “Уэмбли”да кечган ҳал қилувчи баҳсда испанлар Дортмунднинг “Боруссия” жамоасини 2:0 ҳисобида мағлуб этишди. Голларга ҳимоячи Карвахаль ва ҳужумчи Винисиус муаллифлик қилишди.
“Бу ажойиб нарса - ўн йил ичида олтита Чемпионлар Лигаси кубоги. Ва бу осон эмаслигини кўрдингиз. Рақибларимиз бугун жуда яхши ўйнашди, улар биринчи бўлимда биздан яхшироқ эди. Бундай пайтларда сиз хотиржам бўлишингиз керак. Биз ақл бовар қилмайдиган натижага эришдик ва чемпионлик тахтига ўтиришга лойиқ эдик", - деди италиялик мутахассис.
Эслатиб ўтамиз, “Реал” 15-марта Чемпионлар лигасида ғолиб чиқди.
