"Atalanta" yarim himoyachisi Tyon Kopmeyners yozgi transfer oynasida Turinning "Yuventus" klubiga o‘tishga yaqin turibdi. Bu haqda Tuttosport jurnalistlari xabar bermoqda.

Manbaga ko‘ra, niderlandiyalik yarim himoyachi "keksa sinyora" bilan 5 yillik mehnat shartnomasi bo‘yicha kelishib olgan. Kopmeynersning maoshi yiliga 4,5 million yevroni tashkil qiladi.

26 yoshli yarim himoyachi 2021 yilning yozidan beri Bergamo jamoasida to‘p tepmoqda. O‘tgan mavsumda yarim himoyachi "Atalanta"ning 50 ta o‘yinida qatnashib, 15 ta gol va 7 ta golga assistentlik qilgan. Uning bergamoliklar bilan shartnomasi 2027 yilning o‘rtalariga qadar tuzilgan.