"Аталанта" ярим ҳимоячиси Тён Копмейнерс ёзги трансфер ойнасида Туриннинг "Ювентус" клубига ўтишга яқин турибди. Бу ҳақда Tuttosport журналистлари хабар бермоқда.
Манбага кўра, нидерландиялик ярим ҳимоячи "кекса синьора" билан 5 йиллик меҳнат шартномаси бўйича келишиб олган. Копмейнерснинг маоши йилига 4,5 миллион еврони ташкил қилади.
26 ёшли ярим ҳимоячи 2021 йилнинг ёзидан бери Бергамо жамоасида тўп тепмоқда. Ўтган мавсумда ярим ҳимоячи "Аталанта"нинг 50 та ўйинида қатнашиб, 15 та гол ва 7 та голга ассистентлик қилган. Унинг бергамоликлар билан шартномаси 2027 йилнинг ўрталарига қадар тузилган.
