Angliya terma jamoasi bosh murabbiyi Garet Sautgeyt Jek Grilishning kelajagi haqidagi savolga javob berdi.
28 yoshli futbolchi "Manchester Siti"da eng muvaffaqiyatli mavsumni o‘tkazmadi, biroq "Uch sherlar"ning Yevropa chempionati uchun kengaytirilgan tarkibida bor edi.
"Grilish yakuniy tarkibga kiritilmaganlardan biri bo‘lishi mumkinmi? Menimcha, bu masala hozir hal qilinmayapti. U terma jamoada o‘ynashdan zavqlanadi, o‘zini yorqin ko‘rsatadi, har doim ishtiyoq bilan mashg‘ul bo‘ladi. Jek bu mavsumda ko‘p o‘ynamadi, lekin biz uning qanday sifatga ega ekanligini bilamiz", dedi Sautgeyt.