Англия терма жамоаси бош мураббийи Гарет Саутгейт Жек Грилишнинг келажаги ҳақидаги саволга жавоб берди.
28 ёшли футболчи "Манчестер Сити"да энг муваффақиятли мавсумни ўтказмади, бироқ "Уч шерлар"нинг Европа чемпионати учун кенгайтирилган таркибида бор эди.
"Грилиш якуний таркибга киритилмаганлардан бири бўлиши мумкинми? Менимча, бу масала ҳозир ҳал қилинмаяпти. У терма жамоада ўйнашдан завқланади, ўзини ёрқин кўрсатади, ҳар доим иштиёқ билан машғул бўлади. Жек бу мавсумда кўп ўйнамади, лекин биз унинг қандай сифатга эга эканлигини биламиз", деди Саутгейт.
