Mats Xummels "Borussiya"da qola olmaydi.

Bild xabariga ko‘ra, himoyachining ketishi deyarli hal bo‘lgan masala. Uning iyun oyi oxirida tugaydigan shartnomasi "mo‘’jiza" ro‘y bermasa, uzaytirilmaydi.

Ta’kidlanishicha, ajralishning asosiy sababi bosh murabbiy Edin Terjich bilan munosabatlarning yomonligidir. Ular "tuzatib bo‘lmaydigan darajada" yomonlashgan.

Qolaversa, "Borussiya" 35 yoshli futbolchining yuqori saviyada o‘ynashda davom eta olishiga shubha qilmoqda.

Joriy mavsumda Xummels Bundesligada 25 ta o‘yin o‘tkazib, 3 ta gol urdi.