"Yuventus" yarim himoyachisi Adriyen Rabio klubning yangi shartnoma bo‘yicha taklifiga javob berishga shoshilmayapti.

29 yoshli futbolchi kelasi oyga qadar vaziyat noaniq qolsa, erkin agentga aylanadi. Taniqli insayder Janluka Di Marsioning so‘zlariga ko‘ra, fransiyalik futbolchining qo‘lida aslida "Yuventus"dan taklif bor, ammo u yoki uning agenti onasidan hozircha javob bo‘lmagan. Mish-mishlarga ko‘ra, "byankonerilar" yarim himoyachi bilan shartnomani uch yilga uzaytirmoqchi.

So‘nggi mavsumda Adriyen Rabyo "Yuventus" safida barcha musobaqalarda 35 ta o‘yin o‘tkazib, 5 ta gol urdi va 3 ta golli uzatmani amalga oshirdi.