"Manchester Yunayted"ning sobiq bosh murabbiyi Aleks Fergyuson "Kristal Pelas" sport direktori Dagi Fridman bilan uch futbolchining "Old Trafford"ga o‘tishi masalasini muhokama qildi.

Qayd etilishicha, "mankunianliklar" jamoaga markaziy himoyachi Mark Gexi, yarim himoyachi Eberechi Eze va vinger Maykl Oliseni taklif qilmoqchi.

Football Insider nashri xabariga ko‘ra, Fergyuson sanab o‘tilgan futbolchilarning transferi yo‘lida ilk qadamlarni tashlashga harakat qilgan.

Eslatib o‘tamiz, Oliseni taklif qilishga Londonning “Chelsi” klubi ham qiziqish bildirmoqda. "Manchester Yunayted" hali bosh murabbiy Erik ten Xagni iste’foga chiqarish yoki bo‘shatish borasida bir qarorga kelmagan. Avvalroq "mankunianliklar" Tomas Tuxelni taklif qilish borasida bosh qotirayotgani haqida ma’lumotlar paydo bo‘lgandi.