"Yuventus" yozda Federiko Kyezani sotishga tayyor.
Football Italia Correia Dello Sport nashriga tayanib xabar berishicha, Kyeza bilan shartnomani uzaytirish muzokaralari muvaffaqiyatsiz kechgan - xabarlarga ko‘ra, "Yuventus" maoshini kamaytirish bilan 2 yillik shartnoma taklif qilgan, yarim himoyachi va uning agenti Fali Ramadani esa buni qabul qilmagan.
Shu bilan birga, “Yuventus” Kyezaning kelajagi bilan bog‘liq muammoni kelasi mavsum boshlanishidan oldin hal qilmoqchi – turinliklar futbolchini kelasi yozda, amaldagi shartnomasi tugashi bilan tekinga qo‘yib yuborishni istamayapti. Shu munosabat bilan “byankonerilar” Kyezani shu yozda 25 million yevroga sotishga tayyor. Ayni damda Federikoga "Roma" va Premyer-liganing bir qancha klublari qiziqish bildirmoqda.
O‘tgan mavsumda Kyeza “Yuventus” safida A Seriyada 33 ta o‘yinda maydonga tushib, 9 ta gol urdi va 2 ta golli uzatmani amalga oshirdi.
