"Ювентус" ёзда Федерико Кьезани сотишга тайёр.

Football Italia Correia Dello Sport нашрига таяниб хабар беришича, Кьеза билан шартномани узайтириш музокаралари муваффақиятсиз кечган - хабарларга кўра, "Ювентус" маошини камайтириш билан 2 йиллик шартнома таклиф қилган, ярим ҳимоячи ва унинг агенти Фали Рамадани эса буни қабул қилмаган.

Шу билан бирга, “Ювентус” Кьезанинг келажаги билан боғлиқ муаммони келаси мавсум бошланишидан олдин ҳал қилмоқчи – туринликлар футболчини келаси ёзда, амалдаги шартномаси тугаши билан текинга қўйиб юборишни истамаяпти. Шу муносабат билан “бьянконерилар” Кьезани шу ёзда 25 миллион еврога сотишга тайёр. Айни дамда Федерикога "Рома" ва Премьер-лиганинг бир қанча клублари қизиқиш билдирмоқда.

Ўтган мавсумда Кьеза “Ювентус” сафида А Серияда 33 та ўйинда майдонга тушиб, 9 та гол урди ва 2 та голли узатмани амалга оширди.