"Barselona"ning 21 yoshli hujumchisi Ansu Fati "Sevilya"ga o‘tishi mumkin, deb xabar beradi jurnalist Toni Xuanmarti o‘zining ijtimoiy tarmog‘ida.

Manba bergan xabarga ko‘ra, "qizil-oqlar" ispaniyalik yosh futbolchini Kataloniya klubidan ijaraga olmoqchi. Fati transferiga shaxsan "Sevilya"ning yangi bosh murabbiyi Garsiya Pimyenta qiziqmoqda.

Eslatib o‘tamiz, o‘tgan mavsumda ispaniyalik futbolchi “Brayton” safida 30 ta o‘yin o‘tkazib, 4 ta gol urgan va bitta golli uzatmani amalga oshirgan. 2023 yilning sentyabrida ispaniyalik futbolchini sotib olish bandi bo‘lmagani ta’kidlangan bo‘lsada, "Barselona"dan "Brayton"ga ijaraga o‘tdi. Transfermarkt portaliga ko‘ra, hujumchining taxminiy narxi 25 million yevroni tashkil qiladi.