"Барселона"нинг 21 ёшли ҳужумчиси Ансу Фати "Севилья"га ўтиши мумкин, деб хабар беради журналист Тони Хуанмарти ўзининг ижтимоий тармоғида.
Манба берган хабарга кўра, "қизил-оқлар" испаниялик ёш футболчини Каталония клубидан ижарага олмоқчи. Фати трансферига шахсан "Севилья"нинг янги бош мураббийи Гарсия Пимьента қизиқмоқда.
Эслатиб ўтамиз, ўтган мавсумда испаниялик футболчи “Брайтон” сафида 30 та ўйин ўтказиб, 4 та гол урган ва битта голли узатмани амалга оширган. 2023 йилнинг сентябрида испаниялик футболчини сотиб олиш банди бўлмагани таъкидланган бўлсада, "Барселона"дан "Брайтон"га ижарага ўтди. Transfermarkt порталига кўра, ҳужумчининг тахминий нархи 25 миллион еврони ташкил қилади.
