"Barselona" kelasi mavsum uchun jamoani shakllantirish ustida faol ishlamoqda. "Todofichajes" portali o‘z sahifalarida xabar berishicha, Kataloniya klubining yangi bosh murabbiyi Xans-Diter Flikning rejalarida vinger Rafinya yo‘q.

Agar "Barselona"ning og‘ir moliyaviy ahvolini ham hisobga oladigan bo‘lsak, 27 yoshli Rafinya shu yilning yozida sotilishi mumkin. Bitim summasi 70 million yevrodan oshishi mumkin.

2023/2024 yilgi mavsumda Rafinya turli musobaqalarda 37 ta rasmiy o‘yin o‘tkazib, 10 ta gol va 13 ta golli uzatmani amalga oshirgan.