"Барселона" келаси мавсум учун жамоани шакллантириш устида фаол ишламоқда. "Todofichajes" портали ўз саҳифаларида хабар беришича, Каталония клубининг янги бош мураббийи Ханс-Дитер Фликнинг режаларида вингер Рафинья йўқ.
Агар "Барселона"нинг оғир молиявий аҳволини ҳам ҳисобга оладиган бўлсак, 27 ёшли Рафинья шу йилнинг ёзида сотилиши мумкин. Битим суммаси 70 миллион евродан ошиши мумкин.
2023/2024 йилги мавсумда Рафинья турли мусобақаларда 37 та расмий ўйин ўтказиб, 10 та гол ва 13 та голли узатмани амалга оширган.
