Madridning “Real” klubi darvozaboni Andrey Lunin jamoadoshi Tibo Kurtuani Chempionlar Ligasidagi g‘alaba bilan tabriklamadi. Bu haqda Relevo nashriga asoslanib Sport.es xabar bermoqda.

Manbaga ko‘ra, finaldan so‘ng Lunin belgiyalik darvozabondan qochishga uringan, biroq “Los-Blankos”ning uch nafar darvozaboni murabbiyi Luis Lyopis bilan birgalikda suratga tushishga rozi bo‘lgan.

Relevo shuningdek, Lunin madridliklar bosh murabbiyi Karlo Anchelottining uni Chempionlar ligasi final uchrashuvida maydonga tushirmaslik qaroridan xafa bo‘lganini ta’kidlaydi. Ta’kidlanishicha, ukrainalik futbolchining atrofidagilar ham bu qarorni adolatsizlik deb bilishgan.