Мадриднинг “Реал” клуби дарвозабони Андрей Лунин жамоадоши Тибо Куртуани Чемпионлар Лигасидаги ғалаба билан табрикламади. Бу ҳақда Relevo нашрига асосланиб Sport.es хабар бермоқда.
Манбага кўра, финалдан сўнг Лунин бельгиялик дарвозабондан қочишга уринган, бироқ “Лос-Бланкос”нинг уч нафар дарвозабони мураббийи Луис Льопис билан биргаликда суратга тушишга рози бўлган.
Relevo шунингдек, Лунин мадридликлар бош мураббийи Карло Анчелоттининг уни Чемпионлар лигаси финал учрашувида майдонга туширмаслик қароридан хафа бўлганини таъкидлайди. Таъкидланишича, украиналик футболчининг атрофидагилар ҳам бу қарорни адолатсизлик деб билишган.
