Turkmaniston terma jamoasi bosh murabbiyi Mergen O‘razov va futbolchi Arslanmurat Amanov matbuot anjumanida ishtirok etdi
Mergen Orazov:
— Birinchi navbatda yaxshi kutib olganingiz uchun minnatdorlik bildiraman. Ertangi bahsda ikkala jamoaga ham omad tilayman.Guruhdagi birinchi uchrashuvda munosib qarshilik ko‘rsatgan edik. O‘ylaymanki ertangi bahsda ham kuchli raqibga qarshi munosib o‘yin ko‘rsatamiz.
Antalyadagi yig‘in haqida
— Birinchi navbatda qulay sharoitlar tufayli Antalyada yig‘in o‘tkazdik. U yerda yaxshi maydonlar bor va o‘rtoqlik uchrashuvi ham o‘tkazdik. Qolaversa, O‘zbekistonga aynan Turkiyadan kelishimiz qulay bo‘ldi.
Guruhdagi dastlabki uchrashuv haqida
— Ashxobodda o‘tgan uchrashuvning ikkinchi bo‘limida charchoq va chempionatlar orasidagi tavofut sababli g‘alabani saqlab qololmadik. Chempionatimizda raqobat kuchli emas. Shu sabab futbolchilarning jismoniy holati yuqori deb bo‘lmaydi. Lekin taktik jihatdan o‘sayotganimizni alohida ta’kidlagan bo‘lar edim.
O‘zbekiston MTJning kuchli jihatlari haqida
— O‘zbekiston, ayniqsa so‘nggi besh yilda jiddiy o‘sishga erishdi. Ko‘plab futbolchilari xorinda faoliyat yuritadi. Yagona kuchsiz jihati bu pressing. Masalan, Eron bu borada kuchliroq.
Har bir bahs biz uchun muhim va ertaga Turkmaniston sharafi uchun maydonga chiqamiz.
Arslonmurod Amonov:
— Yana O‘zbekistonga kelganimdan xursandman. Ertangi bahsda mezbonlar favorit. Lekin biz ham kuchli jihatlarimizni namoyish etishga harakat qilamiz. Shunchaki himoyalanmoqchi emasmiz. Barchasi maydonda hal bo‘ladi.
