"Barselona" prezidenti Joan Laporta o‘z so‘zlari bilan Xavi Ernandes va uning yordamchilarini hayratda qoldirdi. May oyi oxirida ispaniyalik murabbiy ishdan bo‘shatildi va uning o‘rnini Xans-Diter Flik egallagan edi.

Yaqinda Laporta "Barselona" o‘tgan mavsumda jismoniy tayyorgarligi yomon bo‘lganini ta’kidladi. Kataloniya grandi rahbarining so‘zlariga ko‘ra, o‘yinlarning 60-daqiqasidan keyin jamoa ancha zaifroq ko‘rindi.

Xavi va uning murabbiylar shtabi Laportaning gaplaridan hayratda qolishdi va xafa bo‘lishdi, deya xabar beradi jurnalist Xavi Migel.

“Ko‘k anorranglilar” prezidentining so‘zlari aynan “Barselona”ning 60-daqiqadan so‘ng kiritilgan gollar soni bo‘yicha La Liganing so‘nggi mavsumida peshqadamga aylangani bilan ziddir.