"Барселона" президенти Жоан Лапорта ўз сўзлари билан Хави Эрнандес ва унинг ёрдамчиларини ҳайратда қолдирди. Май ойи охирида испаниялик мураббий ишдан бўшатилди ва унинг ўрнини Ханс-Дитер Флик эгаллаган эди.
Яқинда Лапорта "Барселона" ўтган мавсумда жисмоний тайёргарлиги ёмон бўлганини таъкидлади. Каталония гранди раҳбарининг сўзларига кўра, ўйинларнинг 60-дақиқасидан кейин жамоа анча заифроқ кўринди.
Хави ва унинг мураббийлар штаби Лапортанинг гапларидан ҳайратда қолишди ва хафа бўлишди, дея хабар беради журналист Хави Мигель.
“Кўк анорранглилар” президентининг сўзлари айнан “Барселона”нинг 60-дақиқадан сўнг киритилган голлар сони бўйича Ла Лиганинг сўнгги мавсумида пешқадамга айлангани билан зиддир.
