"Milan"ning chap qanot himoyachisi Teo Ernandes yaqinlashib kelayotgan transfer oynasida sotilishi mumkin.

O‘tgan oyning o‘zidayoq futbolchiga asosiy da’vogar hisoblangan "Bavariya" fransiyalik futbolchiga qiziqishda davom etmoqda, "Real" ham kurashdan qaytmayapti, deya xabar beradi insayder Ekrem Konur. 26 yoshli lateralning "Milan" bilan shartnomasi ikki yildan so‘ng yakuniga yetadi.

Transfermarkt portali Teo Ernandesning narxini 60 million yevroga baholamoqda. O‘tgan mavsumda futbolchi “rossonerilar” safida 46 ta o‘yin o‘tkazib, 5 ta gol va 11 ta golli uzatmaga mualliflik qilgan.

Eslatib o‘tamiz, Ernandes "Milan"ga o‘tishdan oldin aynan "Real"da o‘ynagan.