"Милан"нинг чап қанот ҳимоячиси Тео Эрнандес яқинлашиб келаётган трансфер ойнасида сотилиши мумкин.
Ўтган ойнинг ўзидаёқ футболчига асосий даъвогар ҳисобланган "Бавария" франциялик футболчига қизиқишда давом этмоқда, "Реал" ҳам курашдан қайтмаяпти, дея хабар беради инсайдер Экрем Конур. 26 ёшли латералнинг "Милан" билан шартномаси икки йилдан сўнг якунига етади.
Transfermarkt портали Тео Эрнандеснинг нархини 60 миллион еврога баҳоламоқда. Ўтган мавсумда футболчи “россонерилар” сафида 46 та ўйин ўтказиб, 5 та гол ва 11 та голли узатмага муаллифлик қилган.
Эслатиб ўтамиз, Эрнандес "Милан"га ўтишдан олдин айнан "Реал"да ўйнаган.
