JCH-2026 saralash bosqichidan o‘rin olgan O‘zbekiston - Turkmaniston (3:1) uchrashuvidan keyin mezbonlar yarim himoyachisi Jaloliddin Masharipov matbuot anjumanida ishtirok etdi.
- O‘yin haqida...
"O‘zbekistonni g‘alaba bilan tabriklayman. O‘yindan oldin ham aytgan aytganimdek, vazifani bajargan bo‘lsak ham, Turkmanistonni o‘z maydonimizda mag‘lub etishimiz kerak edi. Barcha futbolchilar o‘z klubida yaxshi o‘ynashmoqda va ishonchli g‘alabaga erishdik deb o‘ylayman.
- Olimpiadaga borish niyatingiz bormi? Agar turnirga borish istagi bo‘lsa, klubingiz ruxsat berishi mumkinmi?
- O‘FAdan klubimga xat yuborishibdi, Olimpiadaga olib borishimiz mumkin degan ma’noda. Olimpiadada o‘ynash imkoniyati har doim ham bo‘lavermaydi, masalan, uchrashuvlar PSJni uy stadionida bo‘larkan. Bunday tarixiy holatlar kamdan kam bo‘ladi, xuddi men Ronaldu bilan birga o‘ynaganim kabi. Bu holat faqat menda bo‘lgan (kuladi). Shu bois, agar Olimpiadaga olib ketishsa albatta boraman.
- Navbatdagi o‘yin 11 iyun kuni Eronga qarshi o‘tadi. Siz va O‘runov Eron chempionatida o‘ynayapsizlar. Bu terma jamoa uchun foydalimi yoki zararli?
- Eron chempionatida oldinroq ko‘proq futbolchilarimiz o‘ynashi kerak ekan. Ularga oldin yuqori baho berar ekanmiz. Eron futbolchilari bizga qarshi bor kuchi bilan harakat qilishi aniq.
- Ikkinchi taymda O‘runov bilan birga juda yaxshi tushunib o‘ynadinglar. Bu murabbiy ko‘rsatmasi bo‘ldimi?
- Oston bilan doim bir-birimizni yaxshi tushunganmiz, hamma mendan kreativ paslar kutadi. Birinchi bo‘limda Eldor hujumda bir o‘zi qolib ketdi, ikkinchi taymda esa to‘rt himoyachi taktikasiga o‘tdik va hujumkorligimiz oshdi", – dedi futbolchi.
