Milanning “Inter” klubi sport direktori Pyero Auzilio o‘ng qanot himoyachisi Denzel Dyumfrisning kelajagi haqidagi savolga javob berdi.
Niderlandiyalik futbolchining shartnomasi bir yildan keyin tugaydi. Mish-mishlarga ko‘ra, "neradzurrilar" rahbariyati Dyumfris shartnomani uzaytirishga rozi bo‘lmasa, uni shu yozda sotuvga qo‘yadi.
"Denzel menga qolishni istayotganini aytdi. U shu yerda o‘ynashni davom ettirishdan xursand. Agar yangi takliflar paydo bo‘lsa, biz ularni muhokama qilamiz, ammo Denzel "Inter"da baxtli", - deya Auzilioning so‘zlarini keltiradi jurnalist Fabrisio Romano.
