Italiyaning “Milan” klubi Londonning “Chelsi” klubi hujumchisi Armando Broyaning transferi ustida ish boshladi. “Rossonerlar” yozda jamoadan ketishi aniq bo‘lgan Olivye Jiruga o‘rinbosar qidirmoqda.
Jurnalist Janluka Di Marsioning xabariga ko‘ra, yaqinda "rossonerilar" vakillari "Chelsi" bilan Broyaning transferi bo‘yicha muzokara o‘tkazish uchun Londonga uchib ketishgan. London klubi o‘z tarbiyalanuvchisini sotish niyatida, ammo faqat yaxshi narxga.
Broya o‘tgan mavsumning ikkinchi yarmini "Fulxem"da ijara asosida o‘tkazdi va u yerda liganing sakkiz o‘yinida atigi bitta golli uzatmani amalga oshirdi.
