Италиянинг “Милан” клуби Лондоннинг “Челси” клуби ҳужумчиси Армандо Броянинг трансфери устида иш бошлади. “Россонерлар” ёзда жамоадан кетиши аниқ бўлган Оливье Жируга ўринбосар қидирмоқда.

Журналист Жанлука Ди Марционинг хабарига кўра, яқинда "россонерилар" вакиллари "Челси" билан Броянинг трансфери бўйича музокара ўтказиш учун Лондонга учиб кетишган. Лондон клуби ўз тарбияланувчисини сотиш ниятида, аммо фақат яхши нархга.

Броя ўтган мавсумнинг иккинчи ярмини "Фулхэм"да ижара асосида ўтказди ва у ерда лиганинг саккиз ўйинида атиги битта голли узатмани амалга оширди.