"Manchester Yunayted" o‘z tarkibini kuchaytirishni rejalashtirmoqda va "Benfika"ning iqtidorli yarim himoyachisi Joau Neveshdan voz kechmayapti. A Bola o‘z sahifalarida xabar berishicha, "qizil iblislar" yaqin orada 19 yoshli portugaliyalik uchun yangi taklif bilan chiqishlari kutilmoqda.
Avvalroq, matbuotda "Manchester Yunayted" Nevesh uchun 60 million yevro taklif qilgani, ammo bunga javoban rad etilgani haqida ma’lumot paydo bo‘lgandi.
Joau Nevesh - "Benfika" tarbiyalanuvchisi. 2023/2024 yilgi mavsumda yarim himoyachi 55 ta rasmiy o‘yinda maydonga tushib, o‘z hisobiga 3 ta gol urdi va 2 ta golli uzatmani amalga oshirdi.
