"Манчестер Юнайтед" ўз таркибини кучайтиришни режалаштирмоқда ва "Бенфика"нинг иқтидорли ярим ҳимоячиси Жоау Невешдан воз кечмаяпти. A Bola ўз саҳифаларида хабар беришича, "қизил иблислар" яқин орада 19 ёшли португалиялик учун янги таклиф билан чиқишлари кутилмоқда.
Аввалроқ, матбуотда "Манчестер Юнайтед" Невеш учун 60 миллион евро таклиф қилгани, аммо бунга жавобан рад этилгани ҳақида маълумот пайдо бўлганди.
Жоау Невеш - "Бенфика" тарбияланувчиси. 2023/2024 йилги мавсумда ярим ҳимоячи 55 та расмий ўйинда майдонга тушиб, ўз ҳисобига 3 та гол урди ва 2 та голли узатмани амалга оширди.
