Kilian Mbappe belidagi muammolar tufayli Fransiya terma jamoasi mashg‘ulotlarini o‘tkazib yubordi.
Fransiya sardori Kanadaga qarshi o‘rtoqlik o‘yini oldidan shanba kungi mashg‘ulotlarda qatnashmadi. Mbappe trenajyor zalida individual mashg‘ulot o‘tkazdi.
RMC Sport xabariga ko‘ra, "Real" forvardi 5 iyun, chorshanba kuni Lyuksemburgga qarshi o‘yin oldidan 72 soat davomida belida muammolarga duch kelgan.
Mbappe deyarli yig‘in boshidanoq Fransiya tibbiyot xodimlari bilan bog‘lanib kelmoqda. Bir qancha manbalarga ko‘ra, muammo jiddiy emas, ammo hujumchi ertangi Kanadaga qarshi o‘yinda tavakkal qilmaydi.
Yakshanba kuni ertalab Fransiya terma jamoasi qarorgohida Mbappening ahvoli bo‘yicha qo‘shimcha tekshiruv o‘tkaziladi.
