Angliya terma jamoasi bosh murabbiyi Garet Sautgeyt 2024 yilda Germaniyada bo‘lib o‘tadigan Yevropa chempionati uning terma jamoasini yirik turnirda g‘alabaga olib chiqish uchun so‘nggi imkoniyati bo‘lishi mumkinligini aytdi.
53 yoshli Sautgeyt Angliya terma jamoasini 2016 yildan buyon boshqarib kelmoqda, uning shartnomasi 2024 yilning 31 dekabrigacha tuzilgan. Uning qo‘l ostida inglizlar JCH-2018 yarim finali va Yevro-2020 finaliga qadar yetib borgan va JCH-2022 chorak finalida musobaqadan chiqib ketgan edi.
"Agar biz g‘alaba qozona olmasak, ehtimol men bu yerda bo‘lmayman. Demak, bu mening oxirgi imkoniyatim bo‘lishi mumkin. Menimcha, terma jamoa murabbiylarining yarmiga yaqini turnirlardan keyin ketishadi – bu xalqaro futbolning mohiyati.
Men qariyb sakkiz yildan beri shu yerdaman va biz yaqinmiz. "Iltimos, yana bir oz ko‘proq" dey olmayman. Bir nuqtada odamlar sizning so‘zlaringizga ishonishni yo‘qotadilar.
Agar biz katta jamoa bo‘lmoqchi bo‘lsam, men top-murabbiy bo‘lishni istasam, muhim daqiqalarda natija ko‘rsatishimiz kerak", - dedi Sautgeyt Bild nashriga bergan intervyusida.
Angliya terma jamoasi Yevro-2024 guruh bosqichida Serbiya (16 iyun), Daniya (20 iyun) va Sloveniya (25 iyun) bilan o‘ynaydi.
