"Inter" yarim himoyachisi Nikolo Barella klub bilan shartnomasini uzaytirganidan so‘ng o‘z fikrlarini bildirib o‘tdi. 27 yoshli futbolchining "neradzurrilar" bilan yangi shartnomasi 2029 yilning o‘rtalariga qadar mo‘ljallangan.
"Inter" bilan uzoq muddatga shartnoma imzolaganimdan juda xursandman. Men bu loyihaga ishonaman, shuning uchun menda hech qanday shubha yo‘q edi. Men bu masalani Yevropa chempionati oldidan yopmoqchi edim.
Bu buyuk klubda yana uzoq yillar o‘ynay olishimdan faxrlanaman. Umid qilamanki, hozirgi tarkib va murabbiy bilan avvalgi mavsumlarda bo‘lgani kabi muvaffaqiyat yo‘lida davom etaman. Ko‘plab unutilmas lahzalarni boshdan kechirdik va ishonchim komilki, bizni hali ko‘p ajoyib narsalar kutib turibdi", - dedi Barella.
