"Интер" ярим ҳимоячиси Николо Барелла клуб билан шартномасини узайтирганидан сўнг ўз фикрларини билдириб ўтди. 27 ёшли футболчининг "нерадзуррилар" билан янги шартномаси 2029 йилнинг ўрталарига қадар мўлжалланган.
"Интер" билан узоқ муддатга шартнома имзолаганимдан жуда хурсандман. Мен бу лойиҳага ишонаман, шунинг учун менда ҳеч қандай шубҳа йўқ эди. Мен бу масалани Европа чемпионати олдидан ёпмоқчи эдим.
Бу буюк клубда яна узоқ йиллар ўйнай олишимдан фахрланаман. Умид қиламанки, ҳозирги таркиб ва мураббий билан аввалги мавсумларда бўлгани каби муваффақият йўлида давом этаман. Кўплаб унутилмас лаҳзаларни бошдан кечирдик ва ишончим комилки, бизни ҳали кўп ажойиб нарсалар кутиб турибди", - деди Барелла.
